Сайта кӗр | Регистраци | Сайта кӗрсен унпа туллин усӑ курма пулӗ
 +18.3 °C
Пур пӗрле, ҫук ҫурмалла.
[ваттисен сӑмахӗ]
 

Хыпарсем: Шупашкар районӗ

Республикӑра
rus-kostroma.ru сайтри сӑн
rus-kostroma.ru сайтри сӑн

Паян республикӑра вӑйлӑ ҫиле пула хӑш-пӗр округра ялсем электричествӑсӑр юлнӑ. Пӗтӗмпе - 15 ял.

Вӑрнар округӗнче - икӗ, Элӗк округӗнче - пилӗк, Шупашкар округӗнче - ултӑ, Улатӑр округӗнче - пӗр, Улатӑр хулинче пилӗк урам ҫутӑсӑр юлнӑ. Ҫав вырӑнсенче авариллӗ бригадӑсем ӗҫлеҫҫӗ. ЧР Элтеперӗ ӗҫсене май килнӗ таран хӑвӑрт пурнӑҫлама хушнӑ.

Хыпар ҫӑлкуҫӗ: https://pg21.ru/news/97940
 

Республикӑра
"Про Город" сайтри сӑн
"Про Город" сайтри сӑн

Ӗнер Шупашкар округӗнче мӗн пулнӑ вӑл? Ҫав пулӑма курнӑ ҫынсем, ахӑртнех, ун пирки нумай шутланӑ.

Утӑ уйӑхӗн 3-мӗшӗнче 14 сехет те 33 минутра Чӑрӑшкасси ялӗ ҫывӑхӗнчи уйра ҫынсем тусан ҫӗкленнине асӑрханӑ. Вӑл смерч евӗрех ҫавран ҫавӑрттарнӑ.

Кун пирки «Про Город» хаҫата халӑх корреспонденчӗ пӗлтернӗ. «Тусанран мини-торнадо. Радиусӗ 10 метр», - тенӗ вӑл.

Хыпар ҫӑлкуҫӗ: https://pg21.ru/news/97854
 

Пӑтӑрмахсем
Кандинский нейросеть сӑнӳкерчӗкӗ
Кандинский нейросеть сӑнӳкерчӗкӗ

Шупашкар муниципаллӑ округӗнчи Колешша ялӗнче пурӑнакан ҫынна кӳршине кӳрентерсе пӗтернӗшӗн явап тыттарнӑ. Ӑна суд штрафланӑ.

Ял ҫынни пӑтӑрмах пирки прокуратурӑна ҫӑхавланӑ хыҫҫӑн унтисем тӗрӗслев ирттернӗ. Колешша ялӗнче пурӑнакан арҫын пӗр ирхине, чӑн та, хӑйӗн кӳршине килӗшӳсӗр сӑмахпа кӳрентерсе пӗтернине палӑртнӑ. Лешӗ ҫавна телефон камери ҫине ӳкерсе илнӗ.

Чӗлхене ирӗке янӑшӑн арҫынна суд административлӑ майпа явап тыттарса 3 пин тенкӗ штраф тӳлеттерме йышӑннӑ.

 

Пӑтӑрмахсем
dzen.ru сайтри сӑн
dzen.ru сайтри сӑн

Ӗнер республикӑра икӗ ҫын путса вилнӗ. 16 сехет тӗлӗнче Улатӑр округӗнчи Алтышево ялӗ ҫывӑхӗнчи пӗвере Вӑрмар округӗнчен килнӗ арҫын виллине кӑларнӑ. Вӑл 40 ҫултан иртнӗ кӑна-ха.

Икӗ сехетрен Шупашкар округӗнчи Самукасси ялӗ ҫывӑхӗнче пӗвере 38 ҫулти арҫын путса вилнӗ. Вӑл 38 ҫулта пулнӑ.

Аса илтерер: нумаях пулмасть Шупашкарти тӗп пляжра 13 ҫулти хӗрача, 14-ри тата 15-ри арҫын ачасем путса вилнӗ.

Хыпар ҫӑлкуҫӗ: https://pg21.ru/news/97373
 

Пӑтӑрмахсем
Инкеклӗ лару-тӑру министерстви тунӑ сӑн
Инкеклӗ лару-тӑру министерстви тунӑ сӑн

Шӑматкун Чӑваш Енре ике пушар пулнӑ. Вӗсенче икӗ ҫын пурнӑҫран уйрӑлнӑ.

Ирхи 8 сехетре Улатӑр округӗнчи Кире поселокӗнче йывӑҫ ҫурт ҫуннӑ. Ҫулӑм хуралтӑ таврашне те тӗп тунӑ. Пушарта 1956 ҫулта ҫуралнӑ арҫын вилнӗ. Малтанлӑха палӑртнӑ тӑрӑх, вӑл ӳсӗрле шӑрпӑкпа асӑрханман.

Тепӗр пушар Шупашкар округӗнчи Хыркассинче пулнӑ. Шел те, унта та ҫын пурнӑҫӗ татӑлнӑ – 80 ҫулти хӗрарӑм вилнӗ.

Ҫулталӑк пуҫланнӑранпа 663 пушар пулнӑ, вӗсенче 35 ҫын вилнӗ.

 

Пӑтӑрмахсем
Кандинский сӑнӳкерчӗкӗ
Кандинский сӑнӳкерчӗкӗ

Шупашкар муниципаллӑ округӗнче почтальона хӗненӗ арҫынна суд тӑвӗҫ. Ҫӗньял ялнче пурӑнакан 45 ҫулти арҫын тӗлӗшпе РФ Пуҫиле кодексӗн 115-мӗш стайин 2-мӗш пайӗн «а» пункчӗпе пуҫиле ӗҫ пуҫарнӑ. Ку статьяпа пуҫтах тӗллевпе сывлӑха ҫӑмӑл сиен кӳрекенсене явап тыттараҫҫӗ.

Кӑҫалхи нарӑс уйӑхӗн 1-мӗшӗнче почтальон Ҫӗньял ялӗнче корреспонденци валеҫсе ҫӳренӗ. Тӗп урамри ҫуртсенчен пӗринчи подъездра ун ҫумне ӳсӗр арҫын ҫулӑхнӑ. Эс почтальон мар, наркотик хурса ҫӳретӗн тесе чӑркӑшланнӑ. Почтальон ҫумӗнче ӗҫре кирлӗ япаласем пурри те ӳсӗр ҫынна лӑплантарайман, вӑл ӑна хӗнеме пуҫланӑ. Почтальонӑн пичӗн шӑммине амантнӑ.

Пуҫиле ӗсе халӗ суда ярса панӑ.

 

Тӗн
cap.ru сӑнӳкерчӗкӗ
cap.ru сӑнӳкерчӗкӗ

Шупашкар округӗн тӗп пульницинче, Кӳкеҫ поселокӗнче, часавай туса лартнӑ. Ӑна Лука ҫветтуйӑн, Симферополь тата Крым архиепископӗн, ятне панӑ.

Ахальтен мар. Крымри Керчь хулинче 1877 ҫулта ҫуралнӑ Лука Киеври медицина унивеситетӗнчен вӗренсе тухсан чухӑнсене сиплеме пулӑшнӑ. Вӑл медицинӑра ҫӗнӗ енсем шутласа кӑларнӑ. 1923 ҫулта Лука ятпа манаха тухнӑ. 1946 ҫулта ӑна Симферополь тата Крым архиепископне лартнӑ. Тӑван ҫӗршывӑн Аслӑ вӑрҫинче вӑл йывӑр аманнӑ салтаксене пулӑшнӑ.

 

Пӑтӑрмахсем
21.мвд.рф сӑнӳкерчӗкӗ
21.мвд.рф сӑнӳкерчӗкӗ

Каҫал тӑрӑхӗнче ҫул-йӗр патруль службин ӗҫченӗсем ҫула тухнӑ ӳсӗр водителе тытса чарнӑ. «Соболь» автомашина водителӗ ӳсӗр пулнине полицие шӑнкӑравласа систерекенсем пулнӑ. Машина ҫулпа пынӑ чухне ҫулӑн пӗр енчен тепӗр енне сулӑннӑ.

Комсомольски ялӗ патӗнче автомобиле йӗрке хуралҫисем чарнӑ. Водитель тӗлӗшпе административлӑ протокол ҫырнӑ. Водитель Шупашкар муниципаллӑ округӗнчен пулнӑ. Вӑл Чӗмпӗр облаҫӗнчен рабочисене илсе килме тухнӑ.

 

Культура
Автор сӑнӳкерчӗкӗ
Автор сӑнӳкерчӗкӗ

Паян, ҫӗртме уйӑхӗн 9-мӗшӗнче, Шупашкар муниципаллӑ округӗнче Ишек ярмӑркки иртрӗ.

Ишек пасарӗн директорӗ Лариса Кудряшова палӑртса хӑварнӑ тӑрӑх, кӑҫалхипе 244-мӗш хут пуҫтарӑнать вӑл тӑрӑхри халӑх Ишек ярмӑрккине.

Ярмӑрккӑна вырӑнти тӳрӗ-шараран округ администрацийӗн пуҫлӑхӗ Владиммр Михайлов тата Шупашкар районӗнчи тӗп пульницӑн тӗп тухтӑрӗ Владимир Викторов пынӑ. Тухса калаҫакансем пурте чӑвашла калаҫрӗҫ. Владимир Михайлович та хӑйӗн саламлӑ сӑмахне тӑван чӗлхепе пуҫларӗ.

Программӑна ертсе пыраканни ҫеҫ темшӗн вырӑсла калаҫрӗ. Баннера та, сӑмах май, вырӑсла хатӗрленӗччӗ.

Ярмӑрккӑра вырӑнти юрӑ-ташӑ ӑстисем, чӑваш эстрада юрӑҫисем (Чӑваш Республикин тава тивӗҫлӗ артисчӗсем Стас Владимиров тата Катя Петрова, Чӑваш Республикин культурӑн тава тивӗҫлӗ ӗҫченӗ Алексей Шадриков, Дмитрий Никифоров) хутшӑнчӗҫ. Вӗсем пурте чӗрӗ сасӑпа юрларӗҫ.

 

Ял хуҫалӑхӗ
Телеграмри "Чӑваш Ен калаҫать" каналти сӑнӳкерчӗк
Телеграмри "Чӑваш Ен калаҫать" каналти сӑнӳкерчӗк

Чӑваш Енре выльӑха аукционта сутӗҫ. Кун пекки унччен пулман.

Аукционта сутма ӑратлӑ 200 выльӑх тӑратӗҫ.

Тулеграмри «Чӑваш Ен калаҫать» каналта пӗлтернӗ тӑрӑх, республикӑшӑн ҫӗнӗ ӗҫ-пуҫ утӑ уйӑхӗн 11-мӗшӗнчен 13-мӗшӗччен «Чебомилк» агрокомплексра иртӗ.

Хуҫалӑхра 5400-е яхӑн мӑйракаллӑ шултра выльӑх. Агрокомплексра пӗлтернӗ тӑрӑх, аукцион ирттерни выльӑха аш-какайшӑн мар, ӑратӑн паха енӗсемшӗн туянас текенсемпе тӗл пулас тени.

3 куна пыракан программӑра – экскурси, конференци тата аукцион .

Хыпар ҫӑлкуҫӗ: https://t.me/chuvashenkalasat/1123
 

Страницӑсем: 1 2, 3, 4, 5, 6, 7, 8, 9, 10, 11, [12], 13, 14, 15, 16, 17, 18, 19, 20, 21, 22, ... 197
Orphus

Баннерсем

Шутлавҫӑсем

0 Хурал кӗтесӗ (чат)

Ҫанталӑк

Шупашкарта ҫывӑх вӑхӑтра (31.08.2025 03:00) пӗлӗтлӗ ҫанталӑк, атмосфера пусӑмӗ 749 - 751 мм, 17 - 19 градус ӑшӑ пулӗ, ҫил 3-5 м/ҫ хӑвӑртлӑхпа кӑнтӑр-хӗвеланӑҫ енчен вӗрӗ.

Гороскоп

СурӑхВӑкӑрЙӗкӗрешРакАрӑсланХӗрТарасаСкорпионУхӑҫӑТу качакиШывтӑканПулӑсем
Сурӑх: Лару-тӑру лайӑх енне йӗркеленсе пырӗ. Ертӳлӗх сирӗнте пысӑк майсене асӑрхӗ, сирӗнпе урӑхларах хутшӑнма тытӑнӗ. Ӗҫпе, килӗшӳсемпе сӑмах пама ан васкӑр — ку тӗлӗшпе асӑрхануллӑрах пулӑр.

Ыйтӑм

Чӑваш йӑли тӑрӑх хӑнана пынӑ арҫынна камӑн ӑсатмалла?
хӑни ҫулне ахаль те пӗлет, ӑсатмасӑр та
кил-йышри арҫын
пӗтӗм кил-йышпа тухаҫҫӗ
ӑсатма тухни — ҫылӑх, юрамасть
хӑнана ӑсатма никам та тухмасть
хуҫа тарҫи
хуҫин ҫитӗннӗ ачисем
хуҫа хӑй
хуть те кам тухсан та
хуҫа арӑмӗ